«Bank of Azerbaijan» ən yaxşı korporativ şüar üzrə müsabiqənin nəticələrini elan etdi

"Bank of Azerbaijan" www.mak.az saytı ilə birgə Bank üçün ən yaxşı korporativ şüar üzrə açıq müsabiqənin nəticələrini elan etdi.

Xatırladaq ki, Korporativ Sosial Məsuliyyət siyasəti çərçivəsində müxtəlif peşə icmalarına dəstək göstərən "Bank of Azerbaijan" cari ilin avqust ayının əvvəlində Azərbaycanda ilk dəfə olaraq gənc marketoloqlar üçün unikal imkan yaratdı. Belə ki, ölkənin dörd gənc və perspektivli marketoloqu bankın dəstəyi ilə Ukraynanın paytaxtı olan Kiyev şəhərində Filipp Kottlerin sentyabr ayının 16-da keçiriləcək "Dəyişikliklər dövründə idarəetmə və marketinq" mövzusunda master-klassında iştirak etmək imkanını qazandılar.

Marketoloqlar cəmiyyətinin 3 üzvü ilə yanaşı Filip Kotlerin master-klassında iştirak etmək imkanını korporativ şüar üzrə keçirilən müsabiqənin qalibi də əldə edirdi.